Балким, баарына витаминдердин жетишсиздиги менен стресс себептир. Мүмкүн чындап эле ооруп жаткандырсыз.
Чачтын түшүүсү- бул нормалдуу көрүнүш. Күн сайын ар бирибиз (таздарды кошпогондо) 50-100 талга чейинки чачыбызды жоготобуз. Бул көп угуланы менен тынчсыздануунун кереги жок. Бирок ар чач тараган сайын эле тарак толо чачыңыздан айрылып, анан башыңызда чачы жок жерлер көрүнө башташса, бул башка кеп. Чач түшүүгө каршы күрөштү баштардан мурда бул көйгөйдүн себебин билүү керек. Лайфхакер чач түшүүнүн эң көп тараган себептерин чогултту.
Сизде белок жетишсиз
Рациондо белок жетишсиздиги чачтын жукарып жана сына башташына алып келет. Өсүшү жайлайт да, кийин түшө баштайт. Кыймыл аз болсо, бир килограмм салмагыңызга 1,2 грамм белок күн сайын жешиңиз керек. Эгер спорт менен алектенсеңиз, анда талап кылынган өлчөм 1,6–2 граммга жетет.
Эмне кылыш керек?
Адатта тамактануу рационуна бир сыйра көз чаптырып койгон жакшы. Эмне жеп, эмнени ичип жатканыңызды ылгап алыңыз. Мына ошого карап анча майлуу эмес этти, сүт жана башка курамында белок бар азыктарды кошсоңуз болот.
Сиздин организимиңизде темир аз
Темир жетишсиздиги ар бир адамда кездешет. Анын көптөгөн симптомдору бар: эч бир иш жасабай эле чарчоо, апатия,тырмактардын сынышы жана чачтын түшүүсү. Эгер вегетарианмын деп же күнүмдүк тамактанууда этти аз кошом десеңиз, сиз чындап тобокелчилилердин тобуна кошуласыз.
Эмне кылыш керек?
Жогоруда саналган темир жетишсиздигинин жок эле дегенде эки белгисин байкасаңыз, дароо дарыгер менен кеңешип, кан тапшырыңыз. Ага карап рационду өзгөртөт, курамында темир бар азыктарды сунуштайт же болбосо керектүү дарыларды жазып берет.
Сизде витаминдердин жетишсиздиги бар
В же D витаминдеринин аздыгы же болбосо А жана Енин ашып кетүүсү да организмдеги белгилүү бир өзгөрүүлөргө алып келиши ыктымал. Анын бир белгиси – чачтын тынымсыз түшүшү.
Эмне кылыш керек?
Жогорудагыдай эле терапевтке баруу- эң жакшы чечим. Тапшырган анализиңиздин негизинде организмге жетишсиз же ашып кеткен витаминдерди аныктайт да, тамактануу эрежелериңизди өзгөртүүгө кеңеш берет. Балким, витаминдерди жазышы мүмкүн.
Чачыңызга ашыкча эле эксперименттерди жүргүзө бересиз
Плойка, чач үтүгү, фен, ысык май аралашкан масканы көп колдонуу, ошондой эле чачты катуу өрүү – чачтын негизги душмандары. Бул процедуралар чачтын тамырына жана териге зыянын тийгизет.
Эмне кылыш керек?
Чачтын травматикалык процедураларынан баш тартыңыз. Ар дайым чачыңызды жууганда кондиционер колдонууга аракет кылыңыз.
Сиз узакка созулган стресс менен жашайсыз
Жетекчиңиз менен болгон мамилеңиз же коомдук автоунаадагы анча чоң эмес чырлашуу чачыңыздын көп түшүшүнө себепчи боло албайт. Сөз ар дайым психологиялык басым менен жүргөнүңүз тууралуу болуп жатат.
Мүмкүн сиз жакын адамыңызды жоготкондурсуз же кайсы бир оору менен жашап жүрөсүз. Мүмкүн үй-бүлө мүчөлөрүңүз болбосо, кесиптеш же башчыңыз кысым көргөзүп жатат.Тилекке каршы, келтирилген варианттар же дагы башка стресстер жакшы жыйынтык алып келбейт. Мындайда чачтын түшө башташы- негизги симптом.
Эмне кылыш керек?
Америкалык “Mayo Clinicтин” талдоочулары стресстен арылуу чачтын кайрадан нормага келишине чоң түрткү берерин аныкташкан. Кыжаалатчылыктан арылуунун жолдорун издеңиз. Алыңыз жетпей жатса, психотерапевтке кайрылыңыз.
Сизде катуу физикалык шок болду
Сынык, операция, машина менен аварияга учуроо, а кээде катуу тумоолодон улам да чач түшө баштайт. Адатта чач мындай окуялардан жарым жыл өткөндө түшөт.
Эмне кылыш керек?
Күтүү керек. Дене сыяктуу эле чач да кайсы бир убакытта калыбына келет.
Сиз болуп көрбөгөндөй бат арыктап кеттиңиз
Физиологдор салмак жоготуу физикалык соккулардын бири деп эсептешет. Эгер оор диеталар дене салмагынын төмөндөшүнө түрткү болсо, сиздин организм керек витаминдерди албай калган.
Эмне кылыш керек?
Рационду калыпка келтириңиз же болбосо (эгер арыктоо дени сак жашоо образын түзүп жатса) дене жаңы салмак кошууга үйрөнгөнчө күтө турганыңыз оң.
Жакында эле эне болдуңуз
Аялдардын чач жоготуусу- өтө көп тараган көрүнүш. Анын менен аялзатынын 50%ы күрөшөт. Боюнда бар учурда денедеги эстроген жогорулайт. Анын кызыктуу касиети бар: чачтын өсүшүн тездетет.
Бирок төрөттөн кийин эстрогендин деңгээли төмөндөп кетет. Жаңыдан эне болгондор азыркысын гана эмес, кош бойлуу кезде түшүшү керек болгон чачтарын да жогото баштайт.
Эмне кылыш керек?
Болгону күтүү керек. Чачтын түшүшү төрөттөн бир ай өтпөй башталып, 4 -5 айга чейин созулат. Качан гана балаңыз 6 айлык болгондо калыбына келе баштаганын байкайсыз.
Сизде гормоналдык өзгөрүүлөр бар
Кош бойлуулук менен төрөт – мындай өзгөрүүлөрдүн кадимкидей көрүнүшү. Мындан сырткары климакс – айыздын токтошу же бойго бүтүрбөөчү дарыларды ичүүнү токтотуу да алып келиши мүмкүн.
Эмне кылыш керек?
Көйгөй гормоналдык өзгөрүүлөрдү чечүү менен гана оң натыйжа берет. Бул тууралуу дарыгериңиз менен кеңешиңиз.
Сизде калканча бездеринин көйгөлөрү бар
Эгер сиздин организмдеги темир гипотиреоз гормондорун көп же аз иштеп чыгарса, бул сөзсуз чачка таасир этет. Адатта мындай көрүнүш оору башталгандан бир нече ай өткөндөн кийин болот.
Мындан сырткары калканча бездерди дарылоочу айрым таблеткалар чачтын түшүүсүн тездетет.
Эмне кылыш керек?
Негизги ооруларды дарылоо керек. Бул үчүн терапевтке же эндокринологго кайрылыңыз. Дарыгерлер кан басымыңызды өлчөгөн соң, эмнеден улам калканча бездери пайда болгонун аныкташат. Эскертүү: көйгөйдүн алдын албасаңыз операцияга чейин алып барышы мүмкүн.
Сиз ар дайым анык бир дарыны колдоносуз
Чачтын түшүшү калканча безине каршы препараттарды колдонуудан сырткары көбүнчө кан басымды түшүрүүчү колдонмолордун таасиринен да болот.
Эмне кылыш керек?
Чачтын түшүшүн алдын алып, дарыларды колдоноордон алдын эрежелерин көңүл буруп окуп чыгыңыз. Эгер чачты түшүрчү заттар дары курамында болсо дарыгер менен кеңешкениңиз оң. Мүмкүн альтернативдик жолдорун сунуштайт.
Сиз эркексиз
60тын кырын ашкан ар бир үчүнчү адам чачтын түшүшү менен күрөшөт. Тилекке каршы, кээ бирлери андан да эрте башталып калышы мүмкүн. Көбүнесе бул мындай болот:
Буга ген менен эркектердин жыныстык гармондорундагы өзгөрүүлөр себеп.
Эмне кылыш керек?
Чачты акырындык менен калыбына келтирүүчү крем жана таблеткалары бар. Өсүшүнө жардамы тийбесе да, чачтын таптакыр түшүп калышынын алдын алат. Дерматолог же терапевттин кеңешин алыңыз.
Пикир калтыруу