Автоматтык төлөөнү өзгөртүңүз
- Балким, сиз маянаңыздын бир бөлүгүн аманат эсебиңизге которуп жаткандарсыз. Ушуга эле дагы көп эмес сумманы кошуп туруңуз. Аптасына 300 сом же өзүңүз канча бөлө алсаңыз ошончо болсун. Ал акча да топтоло берет, а сиз аз каражат менен жашоону үйрөнөсүз.
Сатып алуу жараянын татаалдаштырыңыз
- Кээде ар бирибиздин бир нерсени сатып алуу каалообуз ушунчалык күч болот. Сиз эреже киргизип, сатып алууну жасоо алдында 48 саат күтүңүз. Бул убакыт аралыгында ал буюмдун сизге чынында кереги бар-жогуна байкоо жасай аласыз.
Кайталанма чыгашаларды текшериңиз
- Эгер сатып алууларыңыздын чеги же кагазга түшүрүлгөн тизмеси (адатта жолдушунузга жазып берчү) болсо, аларды анализдеп, такай алган буюмдарды аныктаңыз. Алардын ичинен баш тартууга боло тургандардын тизмесин түзүңүз. Эгер мүмкүн болсо, кийинкисинде буларды арзаныраагына алмаштырыңыз.
Сатып алууларыңызды дайыма жазып жүрүңүз
- Мында сиз күн сайын каражат кайда кетип атканын билесиз жана керексиз сатып алууларды азайтасыз. Сарпталып жаткан чыгашаңызды тизмектөө үчүн чөнтөк дептер же телефонуңузга тиркеме орнотуп алыңыз. Тиркеме ыңгайлуу: ал дайыма колуңузда жана өзүңүздүн эсебиңизге байлап койсоңуз болот. Тиркемелердин көбүндө диаграммалары болот. Ал чыгашаларды визуалдуу көрсөтүп, бюджетиңизди түзүүгө жардамдашат.
Чыгашаңызды досторуңуз менен бөлүшүңүз
- Сайттардан буюртмаларды чогуу бериңиз. Эгер буюм же кийим кымбат болсо, сиз акысыз жеткирүү же кандайдыр бир арзандатуу ала аласыз. Эгер кафеде чоң порция тамак берилип жатса, аны бир нече адам менен бөлүшүңүз. Мында акча да үнөмдөлөт жана тамак-аш ысырап болбойт.
Кандай тамак жасоону алдын-ала пландаңыз
- Кээ бирлер тамак-ашты мөөнөтү аяктаганча колдонуп бүтө алышпайт да, аны ыргытып жиберишет. Мындай учурда аш-тизмектин бир апталык планы керек болот. Ар кандай айкалыштардагы азыктарды колдонуу үчүн рецепт жыйнагыла. Ошентип, азык-түлүккө болгон ашыкча чыгымды азайтсаңыз болот.
Пикир калтыруу